† Κυριακή 09 Μαρτίου (Α’ Νηστειών, Ορθοδοξίας)
9 Μαρτίου 2014
Ευαγγελική Περικοπή,
Εκ του κατά Ιωάννην
Κεφ. α’ : 44-52
Τω καιρώ εκείνω, ηθέλησεν ο Ιησοῦς εξελθείν εις την Γαλιλαίαν· και ευρίσκει Φίλιππον και λέγει αυτώ· Ακολούθει μοι. Ην δε ο Φίλιππος από Βηθσαῑδά, εκ της πόλεως Ανδρέου και Πέτρου. Ευρίσκει Φίλιππος τον Ναθαναήλ, και λέγει αυτώ· Ον έγραψε Μωσής εν τω νόμω και οι Προφήται, ευρήκαμεν, Ιησοῦν τον υιόν του Ιωσὴφ, τον από Ναζαρέτ. Και είπεν αυτώ Ναθαναήλ· Εκ Ναζαρέτ δύναταί τι αγαθόν είναι; Λέγει αυτώ Φίλιππος· Έρχου και ίδε. Είδεν ο Ιησοῦς τον Ναθαναήλ ερχόμενον προς αυτόν, και λέγει περί αυτού· Ίδε αληθώς Ισραηλίτης, εν ω δόλος ουκ έστι. Λέγει αυτώ Ναθαναήλ· Πόθεν με γινώσκεις; Απεκρίθη ο Ιησοῦς, και είπεν αυτώ· Προ του σε Φίλιππον φωνήσαι, όντα υπό την συκήν, είδόν σε. Απεκρίθη Ναθαναήλ και λέγει αυτώ· Ραββί, συ ει ο Υιός του Θεού, συ ει ο Βασιλεύς του Ισραήλ. Απεκρίθη Ιησοῦς και είπεν αυτώ· Ότι είπόν σοι, είδόν σε υποκάτω της συκής, πιστεύεις; μείζω τούτων όψει. Και λέγει αυτώ· Αμήν αμήν λέγω υμίν, απ ἄρτι όψεσθε τον ουρανόν ανεωγότα, και τους Αγγέλους του Θεού αναβαίνοντας, και καταβαίνοντας επί τον Υιόν του ανθρώπου.
Απόστολος,
Προς Εβραίους Επιστολής Παύλου
Κεφ. ια’ : 24-26, 32-40
Αδελφοί, πίστει Μωϋσής μέγας γενόμενος ηρνήσατο λέγεσθαι υιός θυγατρός Φαραώ, μάλλον ελόμενος συγκακουχείσθαι τω λαώ του Θεού η πρόσκαιρον έχειν αμαρτίας απόλαυσιν, μείζονα πλούτον ηγησάμενος των Αιγύπτου θησαυρών τον ονειδισμόν του Χριστού· απέβλεπε γαρ εις την μισθαποδοσίαν. Και τι έτι λέγω; Επιλείψει γαρ με διηγούμενον ο χρόνος περί Γεδεών, Βαράκ τε και Σαμψών και Ιεφθάε, Δαυΐδ τε και Σαμουήλ και των προφητών, οι δια πίστεως κατηγωνίσαντο βασιλείας, ειργάσαντο δικαιοσύνην, επέτυχον επαγγελιών, έφραξαν στόματα λεόντων, έσβεσαν δύναμιν πυρός, έφυγον στόματα μαχαίρας, ενεδυναμώθησαν από ασθενείας, εγενήθησαν ισχυροί εν πολέμω, παρεμβολάς έκλιναν αλλοτρίων· έλαβον γυναίκες εξ αναστάσεως τους νεκρούς αυτών· άλλοι δε ετυμπανίσθησαν, ου προσδεξάμενοι την απολύτρωσιν, ίνα κρείττονος αναστάσεως τύχωσιν· έτεροι δε εμπαιγμών και μαστίγων πείραν έλαβον, έτι δε δεσμών και φυλακής· ελιθάσθησαν, επρίσθησαν, επειράσθησαν, εν φόνω μαχαίρας απέθανον, περιήλθον εν μηλωταίς, εν αιγείοις δέρμασιν, υστερούμενοι, θλιβόμενοι, κακουχούμενοι, ων ουκ ην άξιος ο κόσμος, εν ερημίαις πλανώμενοι και όρεσι και σπηλαίοις και ταις οπαίς της γης. Και ούτοι πάντες μαρτυρηθέντες δια της πίστεως ουκ εκομίσαντο την επαγγελίαν, του Θεού περί ημών κρείττόν τι προβλεψαμένου, ίνα μη χωρίς ημών τελειωθώσι.
Εις τον Όρθρον
Το Θ Ἑωθινόν Ευαγγέλιον
Εκ του κατά Ιωάννην
Κεφ. κ’ : 19-31
Ούσης οψίας, τη ημέρα εκείνη τη μια των Σαββάτων, και των θυρών κεκλεισμένων, όπου ήσαν οι Μαθηταί συνηγμένοι, δια τον φόβον των Ιουδαίων, ήλθεν ο Ιησοῦς, και έστη εις το μέσον, και λέγει αυτοίς· Ειρήνη υμίν. Και τούτο ειπών, έδειξεν αυτοίς τας χείρας και την πλευράν αυτού. Εχάρησαν ουν οι Μαθηταί ιδόντες τον Κύριον. Είπεν ουν αυτοίς ο Ιησοῦς πάλιν· Ειρήνη υμίν· καθώς απέσταλκέ με ο Πατήρ, καγώ πέμπω υμάς. Και τούτο ειπών, ενεφύσησε, και λέγει αυτοίς· Λάβετε Πνεύμα Αγιον. Αν τινων αφήτε τας αμαρτίας, αφίενται αυτοίς· αν τινων κρατήτε, κεκράτηνται. Θωμάς δε, εις εκ των Δώδεκα, ο λεγόμενος Δίδυμος, ουκ ην μετ αὐτῶν ότε ήλθεν ο Ιησοῦς. Έλεγον ουν αυτώ οι άλλοι μαθηταί· Εωράκαμεν τον Κύριον. Ο δε είπεν αυτοίς· Εάν μη ίδω εν ταις χερσίν αυτού τον τύπον των ήλων, και βάλω τον δάκτυλόν μου εις τον τύπον των ήλων, και βάλω την χείρά μου εις την πλευράν αυτού, ου μη πιστεύσω. Και μεθ ἡμέρας οκτώ πάλιν ήσαν έσω οι Μαθηταί αυτού, και Θωμάς μετ αὐτῶν. Έρχεται ο Ιησοῦς των θυρών κεκλεισμένων, και έστη εις το μέσον και είπεν· Ειρήνη υμίν. Είτα λέγει τω Θωμά· Φέρε τον δάκτυλόν σου ώδε, και ίδε τας χείράς μου, και φέρε την χείρά σου, και βάλε εις την πλευράν μου, και μη γίνου άπιστος, αλλά πιστός. Και απεκρίθη ο Θωμάς και είπεν αυτώ· Ο Κύριός μου και ο Θεός μου. Λέγει αυτώ ο Ιησοῦς· Ότι εώρακάς με, πεπίστευκας· μακάριοι οι μη ιδόντες και πιστεύσαντες. Πολλά μεν ουν και άλλα σημεία εποίησεν ο Ιησοῦς ενώπιον των Μαθητών αυτού, α ουκ έστι γεγραμμένα εν τω βιβλίω τούτω. Ταύτα δε γέγραπται, ίνα πιστεύσητε, ότι Ιησοῦς εστιν ο Χριστός ο Υιός του Θεού, και ίνα πιστεύοντες ζωήν έχητε εν τω ονόματι αυτού.
